Գործողությունների Ծրագրեր

Հանձնառության սկզբի և վերջի ամսաթիվ	09.2014 - 06.2015
Լիազոր մարմինը	Կոռուպցիայի կանխարգելման հանձնաժողով
Լիազոր մարմնի պատասխանատու անձը	Բարձրաստիճան պաշտոնատար անձանց էթիկյի հանձնաժողով
Պաշտոնը, վարչությունը	Բարձրաստիճան պաշտոնատար անձանց էթիկյի հանձնաժողով
էլ. հասցեն	la.cpcarmenia@gmail.com
Հեռախոսահամար	12777721

Այլ շահագրգիռ մարմիններ

Այլ շահագրգիռ պետական մարմիններ

Արդարադատության նախարարություն

Քաղաքացիական հասարակություն, մասնավոր հատված

«Ինֆորմացիայի ազատության կենտրոն» ՀԿ (համաձայնությամբ),

«Թրանսփարենսի ինթերնեշնլ» հակակոռուպցիոն կենտրոն (համաձայնությամբ):

Կարգավորման ենթակա խնդիրը

ՀՀ կառավարության կողմից 2011թ. դեկտեմբերի 15-ի N 1835-Ն որոշմամբ հաստատված բարձրաստիճան պաշտոնատար անձանց գույքի և եկամուտների հայտարարագրերի հրապարակման ենթակա տվյալների ցանկը հնարավորություն չի ընձեռում լիարժեքորեն թափանցիկ դարձնելու բարձրաստիճան պաշտոնատար և նրանց փոխկապակցված անձանց հայտարարագրերում ներառված գույքի բոլոր գործարքների վերաբերյալ տվյալները: Մասնավորապես,դրանք սահմանափակված են գործարքների գնի շեմերով: Հանձնաժողովը նախատեսում է նվազեցնել նման սահմանափակումները և ցանկանում է ընդլայնել հասարակությանը տրամադրվող տվյալների ցանկը և դրանով բարձրացնել հայտարարագրերի մատչելությունը հասարակության համար:

Հիմնական նպատակը

ՀՀ բարձրաստիճան պաշտոնատար անձանց գույքի և եկամուտների հայտարարագրերի թափանցիկության ապահովում:

Պարտավորության հակիրճ նկարագրությունը

Հանձնաժողովը մտադիր է նվազեցնել տվյալների տրամադրման սահմանափակումները և ապահովել հանրության համար ավելի մեծ հասանելիություն:

ԲԿԳ ո՞ր մարտահրավերից է բխում պարտավորությունը

Հանրային վստահության բարելավում:

Համապատասխանությունը ԲԿԳ արժեքներին

Թափանցիկություն,

Հաշվետվողականություն,

Նորարարություն:

Հավակնություն

Հանձնաժողովը մտադիր է նվազեցնել տվյալների տրամադրման սահմանափակումները և ապահովել հանրության համար ավելի մեծ հասանելիություն: