Գործողությունների Ծրագրեր

1. Ինչպե՞ս է հանձնառությունը խթանելու թափանցիկությունը:

Տվյալների քաղաքականությունը սահմանող օրենսդրությունը կներառի կարգավորումներ՝ տվյալների, դրանց ստացման, մշակման, պահպանման, փոխանցման եւ այլ գործողություններն իրականացնողների իրավունքների եւ պատասխանատվության վերաբերյալ, կձեւավորվի նաեւ տվյալների հասանելիության ու թափանցիկության հետ կապված կանոնների համակարգը՝ հիմքում ունենալով բաց տվյալների դոկտրինը, կապահովվեն իրավական հիմքեր ու ստանդարտներ տվյալների կատալոգների եւ մեթատվյալների հանրային հասանելիության ապահովման վերաբերյալ:

2. Ինչպե՞ս հանձնառությունը կօգնի խթանել հաշվետվողականությունը:

ՀՀ օրենսդրությամբ սահմանվելու եւ հստակեցվելու են տվյալների դասակարգման, օգտագոր- ծելիության, որակի գնահատման, նույնականացման, տվյալների պաշտպանության եւ ճշգրիտ տարածման չափանիշները, ռիսկերի կառավարման սկզբունքները, պատասխանատվությունը եւ հաշվետվողականությունը, այլ իրավահարաբերություններ:

3. Ինչպե՞ս կբարելավի հանձնառությունը քաղաքացիների մասնակցությունը լուծումների սահմանմանը, իրականացմանը եւ մոնիթորինգին:

Բաց տվյալների քաղաքականության հիման վրա տվյալների օրենսդրության մշակումը եւ փաստացի ներդրումը նաեւ կնպաստի քաղաքացի-պետություն հաղորդակցության ու մասնակցային կառավարման համակարգերի զարգացմանը առավել խելացի եւ փոխադարձ վստահելի լուծումների ու հարթակների կիրարկման միջոցով: Միաժամանակ, տվյալների օրենսդրությամբ նաեւ կապահովվի բավարար իրավական ենթակառուցվածք, ինչը հնարավորություն կտա ներդնել հանրային ծառայությունների որակի մոնիթորինգի, հսկողության եւ կառավարման համակարգեր, խրախուսել հանրային ծառայությունների՝ քաղաքացիակենտրոն եւ քաղաքացու փորձառության հիման վրա նախագծման ու մատուցման պրակտիկաները։