5. Համայնքային որոշումների պորտալ. Համայնքի ավագանու և համայնքի ղեկավարի որոշումների միասնական իրավական տեղեկատվական համակարգի ստեղծում
| Հանձնառության սկզբի և վերջի ամսաթիվ | 09.2016 - 06.2018 |
| Լիազոր մարմինը | Տարածքային կառավարման և ենթակառուցվածքների նախարարություն |
| Լիազոր մարմնի պատասխանատու անձը | Աշոտ Գիլոյան |
| Պաշտոնը, վարչությունը | ՀՀ տարածքային կառավարման նախարարության աշխատակազմի տեղական ինքնակառավարման վարչության պետ |
| էլ. հասցեն | agiloyan@gmail.com |
| Հեռախոսահամար | +37410511342 |
Այլ շահագրգիռ մարմիններ
Այլ շահագրգիռ պետական մարմիններ
Երևանի քաղաքապետարան
Քաղաքացիական հասարակություն, մասնավոր հատված
«Տեղեկատվական համակարգերի զարգացման և վերապատրաստման կենտրոն» ՀԿ (համաձայնությամբ)
«Արմավիրի զարգացման կենտրոն» ՀԿ (համաձայնությամբ)
Կարգավորման ենթակա խնդիրը
Ներկայումս Հայաստանի Հանրապետության համայնքների ավագանու և ղեկավարի որոշումներն էլետրոնային կերպով հրապարակվում են տարբեր պաշտոնական վեբ-կայքերում, մասնավորապես՝ ՀՀ համապատասխան մարզպետարանների վեբ-կայքերում՝ PDF ֆորմատով: Իրավական ակտին հղման անվանման մեջ հիմնականում նշվում են իրավական ակտի համարը և ընդունման ամսաթիվը, որը անհար է դարձնում այլ պարամետրերով օգտագործել «որոնել» գործիքը: Գոյություն չունի Հայաստանի Հանրապետության համայնքների ավագանու և ղեկավարի որոշումները էլետրոնային եղանակով հրապարակման մեկ միասնական հարթակ, ինչպես այլ իրավական ակտերի դեպքում է (www.arlis.am վեբ-կայքը): Սա օգտագործողի համար ստեղծում է դժվարություններ իրեն անհրաժեշտ իրավական ակտը գտնելու գործում:
Հիմնական նպատակը
Ավագանու և համայնքի ղեկավարի որոշումների հասանելիության ապահովում, փնտրելու հնարավորության ստեղծում (պարզ և ընդլայնված որոնում), օգտագործման մատչելիության ապահովում, համայնքների գործունեության թափանցիկության բարելավում:
Պարտավորության հակիրճ նկարագրությունը
«Բաց տվյալների» սկզբունքի հիման վրա համայնքի ավագանու և համայնքի ղեկավարի որոշումների հրապարակման միասնական իրավական տեղեկատվական համակարգի ստեղծում:
ԲԿԳ ո՞ր մարտահրավերից է բխում պարտավորությունը
Հանրային ծառայությունների բարելավում, հանրային օրինավորության խթանում:
Համապատասխանությունը ԲԿԳ արժեքներին
Ավագանու և համայնքի ղեկավարի որոշումների՝ «բաց տվյալների» սկզբունքի հիման վրա հրապարակումը տեղեկատվության հասանելիության առումով նոր որակ է հաղորդում հանրային հաշվետվողականության արժեքի ներդրման և հետևողական զարգացման հարցում:
Հավակնություն
Ավագանու և համայնքի ղեկավարի որոշումների հասանելիության ապահովում, համայնքների գործունեության թափանցիկության բարելավում, հաշվետվողականության և վստահության բարձրացում:
Պոտենցիալ ազդեցություն
Իրականացման կարգավիճակ
ՄԱԿ-ինպատակներ
11.3 Մինչև 2030 թ. խթանել ներառական և կայուն քաղաքայնացումը և մարդկային բնակավայրերի մասնակցային, ինտեգրված և կայուն պլանավորումն ու կառավարումը բոլոր երկրներում